مين يحب يعيش هنا ويريح دماغه من الدوشه والناس . ولو قررت انك تعيش هنا هيكون لوحدك ولا مع حد ؟؟ وياترى مين الحد ده ؟ وهتاخد معاك ايه ؟ ومش هتاخد معاك ايه ؟ الاسئله دى اجبارى مش اختيارى.
تحديث
انا سألت نفسى الأسئله دى وجاوبت عليها فى التعليقات
Snap Shots
قائمة المدونات الإلكترونية
نحت وتشكيل من اعمال الفنان حسام عتلم
هناك 61 تعليقًا:
انا انا عاوزة اعيش هنا وهجاوب على الاسئله
ولو قررت انك تعيش هنا هيكون لوحدك
اممممممم لا مش لوحد هجيب بطتين ووزتين خروفين ومش مع شخص معين معتقدش فيهحد هيقدر يتحمل الصحراء وانا كده يبقى كتير عليه والله هشفق عليه بجد لانى اجنن بلد بصراحه وشخصيه لا تحتمل اى والله بجد مش هزار
وهتاخد معاك ايه ؟
هاخد معايا للاب توب بتاعى وحاجه بعدين هبقى اوقل عليها مهمه ليه جدا
والدباديب بتاعتى
واممممم وايت شيكولا والكاميرا بتاعتى
وحصان اسود اندلسى
ومش هتاخد معاك ايه ؟
مش هاخد ايه اممممم اصحابى ولا قرايبى ولا الموبيل
ممكن اروح بقى لو سمحت
اولا ازيك وازى المدام ...وشكرا لتعليقك عندى..بجد كان جميل..
انا مش بحب اعيش فى الصحراا بتاتا البته..لو فى مكان كله ورد وزرع بس..
ممكن اعيش فيه واخد الباشا وولادى ..
ومش عايزه حد تانى ...كفايه هم عليا..
بس هاخد معايا ..اللاب توب وستالايت علشان النت..
واكيد اكيد هاخد قطتين وولادهم..
وتلاجه مليانه شيكولاته..
واول حاجه هاسيبها هى التلفزيون..والموبيل ..والعربيه..
تحياتى ليك
بس سؤال مالوش علاقه بالموضوع..
هو عندك فى جده ممكن الستات يشتغلوا فى الدعايه والاعلان؟؟مصممين يعنى؟؟
انا عشت فى السعوديه تقريبا طول عمرى ..والستات اخرهم يمدرسه يادكتوره ياممرضه ياسكرتيرة لواحده مش واحد برضه...ولما كنت مع الباشا فى السعوديه اشتغلت مدرسه لبرامج الجرافيك فى معهد كمبيوتر ..وده كان اخرى فى الشغل هناك..
ده كان فى الخبر..ماعرفش جده اخبارها ايه؟؟؟
تحياتى
والله يا عتلم
لسه من كام يوم الحديث ده دار بينى وبين جوزى
بس الحوار كان على جزيره....
فكان المايوه مهم..
هو قال انى لازم اكون معاه!!!
جابه لنفسه..
بس انا وهو عاملين زى الشوكولا والبندق ;0)
اما انا فاول حاجه مهمه اوىىىىى
الsun block
اصل عندى حساسيه من الشمس
:0( مبقتش اعمل برونزاج
قبل كل حاجه مصحف وظلال القرأن لسيد قطب
وممكن تلسكوب
النجوم فى الصحرا بالليل سبحان الله
لا توصف مهما قلت..
sleeping bags
لزوم الدفا..
وانا مقدرش اعيش منغير
perfume
والمشط الخشب بتاعى
اساسى لاب توت وdsl
وعدسه
شمع كتير..مش حقولك ليه
وكرسى تواليت "مهم جداا"
----
واحب اخد معايا نبته..شجره ممكن تعيش فى الجو ده
الصورة طبعا ساحرة كالمعتاد
**********************
بس انا بقى الصراحة مليش فى جوة الصحراء اكيد لى سحر خاص بالذات بليل بس مش عارفة
عارف لوكانت صورة على البحر يكون ازرق اوى اوى اوى ومدرج كدة بعد كدة لبنى فاتح والشمس طالعة وكوخ جميل..الله
**متخيل معايا الشكل عايزة المرة الجاية الاقى صورة زى كدة عشان اجوب على الاسئلة ومستعبطش زى دلوقتى!!!
************************
بس انا عارفة ممكن اودى مين فى صورتك دى كل اعدائى واولهم القطة!!!
كع كع كع كع
**ضحكات متقطعة شريرة
عووووووووووو
انا فعلا عايش في مكان زي ده
انا في السودان
لك ان تتخيل
ممكن تبعتلى كاميرا لانى نسيتها
وقلم ..
ويا ريت الوان وفرش ستند جايبه معايا على فن
مش لوحدى
اكون معاه..
وهاخد معايا
فيروز...حفلة بيت الدين 2000
+ هولز "الازرق"
+ فيروز تانى بس تتشرب "تفاح"
+ ماشية..كليم لارض..اى حاجة
خشب للنار ..وبراد
+كاميرا
الاساسى
توسيع اكبر مساحة فى القلب....
و استغناء تاااام عن التفكير
بس مش عايزة جمل...نمشيها حصان
انت بقى يا عم..هتعمل ايه؟
جاوب يعنى زى ما بتسال
هكون عكس الناس
و مش هحب اعيش هناك
لان جنة من غير ناس ما تنداس
ده غير النعم اللى ربنا ادهلنا الكتير اللى هننحرم منها بالوجود فى المكان ده
المكان ده لى مقعدش فيه اكتر من 3 او 4 ايام
صورك جميلة اوى
خصوصا صور البروفيلز
تسلم ايدك
هاي
دي أول زيارة لي
مدونتك جميلة و صورك رائعة
بخصوص البوست ده
هو مكتن جميل و صورة حلوة
والله من زمان و أنا نفسي اعيش بعيد عن الناس في مكان بعيد
بس طبعا مكنتش متخيل انه يكون في الصحراء
يعني كنت بفضل انه يكون اخضر حاجة كده زي جزيرة
المهم
السؤال التاني
طبعا مش هكون لوحدي
هيكون معايا حد بحبه
هاخد ايه معايا؟
هاخد الكمبيوتر ووصلة نت
سلكي او لا سلكي
معلش بقى يعني علشان المدونة
و التواصل من بعيد لبعيد
مش هاخد أية
ممممممممم
مش عارف
اعتقد اني هسيب باقي الحاجات
و هسيب الناس و ده كفايا قوي
سعدت بزيارتي ليك
كريم
لا ياسيدى الله الغنى
صحرا ايه اللى هروح اعيش فيها دى
انا بحب الدوشه والزخمه والناس
بحب اقعد اتامل فوشوش الناس كدا واعيش وسطهم
بالنسبه للصوره اللى فمدونتى بذمتك بذمتك انا ابقى القمر اللى فالصوره دى ام شعر اصفر وضحكه سكر دى
لا طبعا انا مصريه اصيله النيل روانى والخير جوانى ههههههههههه
الصورة أكثر من رائعه، لكن بصراحه أنا ماحبش اعيش هنا
مين يسيب حياةالمدينة والرفاهية والأير كونديشن ويعيش في صحرا مخيفه مالهاش اول من آخر
موش عارف مصيره حايكون ايه؟
معلش الصوره جميله لكن الواقع أحلى
عتلم
والله مدونتك روعه
من اجمل المدونات اللي انا دخلتها
لانك بتعمل حاجه مختلفه
مخلياك زي اللي موجود جوه دايره محدش يقدر يوصلها
انا مبسوط جدااا اني لقيت مدونه بالطريقه دي
واسمحيلي استلف بعض الصور من سيادتك
لا مش هنشرها هندي
انا هرسمها او هحاول ارسمها لاني عندي محاولات في الرسم كده
واذا نجحت محاوله
ياريت اعرف ايميلك عشان ابعتهالك
ههههههههه
موضوع ظريف والله
انا لو هعيش فى الحته دى هاخد معايا شمسيه عشان الشمس اكيد ساعه الظهر هتبقى لاسعه اوى اوى
وطبعا هاخد بطانيه عشان باليل هتبقى برد اوى اوى
انما بقى هاخد مين معايا هاخد شويه من اصحابى المفرفشين كده ونبعد عن النكديين عشان تبقى قاعده زى الفل
تقبل مرورى
ومين هيسيبك تعيش كل هذه الرومانسيه
انسى دا احنا مربوطين فى ساقية يا عم
احلام
تحياتى
ابى
بطتين ووزتين وخروفين ؟؟
ياترى علشان تاكليهم ولا هتعملى مشروع ؟؟ الاستثمار حلو برضه
واحسن حاجه انك هتسيبى اصحابك والموبايل
بنت الغربه
احنا تمام الحمد لله
بما انك مش بتحبى الصحرا وبتحبى الزرع والورد يبقى لازم تاخدى معاكى بذور للورد وانتى ممكن تزرعيها وتخضرى الصحرا
والبركه فيكى بأه تسيبى التصميم وتشتغلى فى الفلاحه وتجيبى جرار صغير كده وتعيشى بأه. طب والله فكره....بس فاشله
بالنسبه لشغل البنات فى جده كل حاجه موجوده دلوقتى وكمان بتشتغل سكرتيره لمدير راجل كتير جدا جدا
dodda
sun block
sleeping bag
perfume
lap top & dsl
عدسه وشمع وكرسى تواليت وشجره
انا من رأيي تخليكى فى البيت وانا آجى اعملك الخيمه فى الصالون احسن
مش عايزه بسين جنب الخيمه كمان ؟؟
حسبى الله ونعم الوكيل
كيكييييييييي
ازيك ياكيكى
انتى عماله تنكشينى على صور للبحر
انا بصراحه عندى صور للبحر تحفه بس مخليها مفاجأه علشان هيا جامده مووووووووت بس ساعتها هيكون عليها اسئله وهتجاوبى يعنى هتجاوبى وانتى اللى اخترتى كده.
وبعدين ملكيش دعوه بالقطه لوسمحتى
فهد
الله يكون فى عونك يا عم فهد
حلوه السودان وبالذات بالليل مش كده؟
dodda
هترسمى ايه فى الصحرا ؟؟
انا متخيل انك هتيجى بعد اسبوعين والاقيكى جايبه ورقه كبيره اوى لونها اصفر وفيها نقطه سودا صغيره اوى اوى يمكن ماتتشافش ولما اسألك ايه ده تردى عليا وتقولى الجمال تسير فى الصحراء هههههههه برضه حسبى الله ونعم الوكيل
ساره ربيع
هتاخدى معاكى فيروز سمع وشرب ؟ ياجبروتك
وهولز ازرق كمان..ياقلبك الجامد
وبالنسبه للجمل ده اجبارى مفيش حصنه هنا . لا وكمان هتولعى نار .. يارواقتك
اه كده العيشه تبقى حلوه والله
اما بالنسبه عنى فهيكون اخر تعليق هاعلقه هاكتب فيه انا ممكن اخد ايه واسيب ايه بس فى الاخر
انما هتكونى مع مين دى انا مش هاضغط عليكى فيها مع انى كاتب الاجابه اجبارى
بس ماشى الايامو بيننا والارضو كرويتون
قوس قزح
نورتى المدونه بالزياره الجميله دى
وطبعا المكان ده صعب ان اى حد يعيش فيه بس فيه ناس عايشه كده على طول يعنى ده مسكنهم فى الحياه ودى حياتهم ومتاقلمين على كده
والحمد لله ان صور البروفيلز عجبتك ومتكونش اخر زياره
كريم عزمى
اهلا بيك ونورت المدونه يا كيمو
وعلى فكره انتا لو كنت متخيل ان الصحرا وحشه ومفيهاش جمال زى الجزيره تبقى غلطان عشان الصحرا ليها سحرها وجمالهاطبعا مع بعض الاضافات اللى هاقول عليها بس فى تعليق انا ناوى اكتبه واجاوب فيه على نفس الاسئله اللى انتو بتجاوبو عليها دى بس فى الاخر خالص
تحياتى وشكرا لمرورك وهازورك قريب
انا حره
عامله ايه بعد ماجيتى من القاهره ؟
يعنى انتى لسه مزهقتيش من الزحمه والناس والعربيات والدوشه ؟؟ اكيد هييجى عليكى اليوم وتزهقى من الازعاج وتحبى تروحى اى حته بعيده ساعتها مش هتلاقى غير الصحرا والخيمه دى بس اكيد هرحب بيكى ومش هاقولك مانتى مرضيتيش تروحى فى الاول وكده . هاطلع جدع معاكى واسيبك ترتاحى شويه
غرااااااااام
المدنيه والايركونديشن والرفاهيه والتكنولوجيا والكهربا كل ده ضغط على المخ وهوا صناعى بس الصحرا كل حاجه فيها طبيعيه ممكن تروحى تفضى مخك كام يوم وتقعدى مع نفسك وتعيدى شوية حسابات وترجعيلنا بالسلامه فريش وتواصلى حياتك عادى
ابو العريف
مبسوط بزيارتك والله ونورت البلوج يا معلم
بس انا مش هديلك صور من عندى الا لما تجاوب على الأسئله كلها ساعتها هديلك الصور اللى انتا عايزها وعموما ايميلى atlam76@yahoo.com
ريمان
والله كلامك معقول برضه
هيا فعلا بتكون شمس اوى بالنهار وبرد اوى بالليل
عامله احتياطاتك انتى
واحسن حاجه انك هتسيبى النكديين وتاخدى الناس المفرفشين
ممكن اجى اقعد معاكو شويه وامشى على طول عشان تاخدو راحتكم
طيب ولو لدغتني عقربه، والا قرصني تعبان، والا هجم عليه ذئب أعمل أيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلام على بلاطه
دانتا جايب فعلا الكلام على بلاطه طب اضحك عليا يا راجل وتعالى نحلم دقايق حتى . وبعدين مين قالك انى باتكلم على الرومانسيه؟ انا بتكلم على ان الواحد فعلا زهق ونفسه يغير حياته انشالله يروح الصحرا
تحياتى وحاول تفك نفسك من الساقيه انشالله فى الخيال والاحلام
غرام
اعملى نفسك مش واخده بالك ههههههه
بعد الشر دا انا اصورهولك واعلقه على باب المدونه واخليه فرجه للى رايح واللى جاى
كده يامحمد طيب ماشي يعني أنا أتقرص وانت تستفيد
هههههههههههه
لالالالالا الف سلامه عليكى وبعد الشر عليكى من القرصه انشالله القطه الغلسه اللى مطلعه لسانها فى البوست اللى فات
انا بهزر معاكى طبعا اوعى تكونى من النوع اللى بيزعل
انا مابزعلش من الناس الفنانيين
وأنا كمان باضحك معاك
تعرف الفكره تبقى حلوه لو كلنا تركنا عيشة المدنية ورحنا هناك نونس بعض واهو نقدر نعيش ونعمل مجتمع جديد بس مافيش بأى لا مدونات ولاغيره ولا كاميرات ديجتال ولا حاجه، بس نقعد نقرض الشعر ونديها دواوين
غرام
والله فعلا انا نفسى فى كده بس انا عارفك عايزه لمه وناس علشان يحوشو عنك الذئب والعقربه والحاجات اللى بتقرص دى مش كده ؟ اطلعى من دول ههههههه
محدش بيقدر يعيش لوحده على طول
والجنه من غير ناس ماتنداس
اما حكاية اللمة علشان الناس تحوش عني
ساعتها حتنشأ عندنا ثقافه جديدة إزاي نتعامل مع القوارض والزواحف وغيرها ، وحاتبقي الحاجات دي عاديه
يعني ممكن افتح الحله الاقي فيها عقربه بتبص لي عادي يعني
وممكن وانا نايمه الاقي تعبان لف على رقبتي عادي يعني
وطول الليل أولع نار قدام الخيمه علشان الذئاب ماتجيش عادي يعني ويعني
تحياتي
ياااااااااه ياريت والله
بس مش اعيش علطول يعنى
يعنى اسبوع شهر بالكتير تجربة كده ولو عجبتنى ابقى اكمل
هاخد معايا المصحف وسجادة الصلاة والطرحة وشوية كتب دينية وأدب
و مش هروح لوحدى طبعا أنا بقيت بخاف م الدنيا دى هاخد زوجى وابنى .. عشان لو طلعلى تعبان ولا عقرب ولا حاجة زوجى يقتله ههههههههه لأن عندى قناعة تامة انه يقدر يعمل أى حاجة .. ومش بعرف اتصرف زيه فى المواقف الصعبة ما شاء الله يعنى
وهاخد معايا دباديب دودو ابنى ولعبه والعجلة والعربية بتاعته والكمبيوتر وابقى اوصله بالنت ويرلس بقى مش هيبقى فيه dsl عشان أطمن على ماما وبابا واخواتى
ومفيش مانع من الموبايلات .. عشان لو فيه ظرف طارئ وزوجى كان خارج بيجمع حطب ولا بيجيب مياه من البير ولا حاجة ابقى اطلبه يلحقنى هههههههه
ده غير التكيف بقى سخن وبارد عشان المناخ الصحراوى .. وصابون رويال وشامبو وشااااااى مهم جدا لزوجى ولى بالتبعية وسكر وبليلة وسحلب وقرفة وكاكاو وفانيليا ودقيق وبيكنج بودر
ياااااااااه
كفاية كده بدل ما اخد العفش معايا كمان هههههههههههه
حلو اوى البوست ده
خالص التحية
حاجات جوايا
ايه كل ده ... هتاخدى كل الحاجات دى معاكى فى الصحرا . دى بقت صحرا اوريجينال او فايف ستارز
كده انتى هتخلى الصحرا منتجع سياحى
بس احسن حاجه هتاخديها هيا طبعا الاسره والمصحف والكتب الدينيه والادبيه وسجادة الصلاه
عندما نظرة لهذا البوست وقرات مايوجد عليه من أسألة فكرت في وجود مخاطر بهذا المكان وجلست لبرهه صامته ووجدت أن المخاطر هناك معلومة أما عن المخاطر الموجزدة في حياتنا اليومية فيوجد منا اشباه بالثعابين وأيضا مثل العقارب وايضا مثل الذئاب وما إلى ذلك !!!!!!
ففكرة لو تمنيت العيش هناك ساكون في أمان لأن الله معي وهو حارسي من أي شر سوف يحدث لي إن كان مقدر لي
هناك أشياء لا اريد ذكرها ولكنها توجد بين السطور
شكرآ يافنان
غير معروف
بص يا عم الحج... الصحرا مفيهاش ناس . فاضيه تماما يعنى اخرك ارنب بيجرى . عصفوره . تعبان وبس انما الحياه اللى احنا عايشينها فيها ناس اسوأ 100 مره من التعابين والعقارب . فأنا فعلا كان قصدى اننا نرتاح من النوعيات من البشر دى
انتا فهمتنى كويس .. شكرا واشوفك مره تانيه.
انت لسه حاطط صورة الصحرااا دى؟؟؟
لا انا عايزة صورة حلوة جديده للورد لو سمحت....
وياريت يكون لونه بربل او بينك...
وشكرا
تحياتى
انت فين؟؟؟
الصورة اكثر من رائعة !!!! مش عارف اقولك ايه !!! ايه الحلاوة دى ! بس ازاى الانسان يقدر يعيش فى المكان ده لوحده ؟ , انا عندى استعداد بس بشرط انك تكون معايا .. نقول OK ؟ .. ولا انت شايف ايه ؟ ياعم قول وخلصنا !!!
بنت الغربه
انا ناوى احط صوره جديده قريب انشاء الله بس افضى شويه
دودا
انا موجود حى ارزق وعايش وبتنفس لسه
كوكو عتلم
انتا بالذات هتروح لوحدك وبالليل وهربطك من ايدك فى رجل الجمل واضربه بعصايه جامده على ضهره واخليه يجرى يجرى يجرى ......وابقى قابلنى لو حد عرف انتا فين يا كوكو ههههههه
واهون عليك يا خالو ، تسبنى فى الطل لوحدى بس اكيد انت تيجى تزورنى صح ، انت اكيد بتقول الكلام ده من ورا قلبك صح ؟ ، دى الرحمة حلوة يا جدع ، ارحموا من فى الارض يرحمكم من فى السماء ..... احرجتك بكلامى الحلو ... ههههههههههههه
كوكو عتلم
ولا اعرفك
انا سألت نفسى الاسئله دى وهجاوب عليها
انا احب اعيش فى مكان زى ده علشان مافيهوش دوشه وناس مزعجه زى اللى بشوفهم كل شويه واريح دماغى تماما
كمان المكان ده مافيهوش كهربا يعنى مفيش تلفزيون مفيش وتكييف مفيش كمبيوتر مفيش تلاجه مفيش ضغط عالى مفيش عربيات مفيش رقابه مفيش حد بيتطفل وبيحشر نفسه فى حياتى الشخصيه مفيش ورق عمله فلوس يعنى ماهو مفيش حاجه تتشرى وتتباع فى الصحرا يعنى من الاخر مفيش سلبيات وبنى ادمين تعمل حسابهم . يعنى هريح دماغى من الحياه ومشاكلها
فى الصحرا بأه هتلاقى الهدوووووووء هتلاقى الهواء النقى جدا هتلاقى غروب وشروق ونجوم كتير بالليل مبنشوفهاش فى المدينه هتلاقى القمر شكله روعه مع النجوم . هولع نار واعمل عليها شاى وقهوه عربى . واشوى الخروف على النار وهيكون معايا توتا طبعا عشان هيا موافقه تيجى معايا هناك وهاخد معايا الكاميرا بتاعتى عشان اصور صور طبيعيه تماما نمله مثلا الرمل الزهور البريه النباتات الصحراويه وهاخد معايا الجيتار بتاعى عشان اعزف عليه بالليل وانا عند النار والخروف اللى بيتشوى ههههههه سيره تجوع مش كده ؟ وهاخد معايا شوية كتب دينيه وادبيه ومصحف طبعا .... اللى عايز يزورنى ويقعد معايا ويتعشى وياخد واجبه اهلا وسهلا بيه طبعا بس مسموح له سهره واحده بس واللى تعجبه القعده وعايز يطول يروح يجيبله خيمه وينصبها على بعد مش اقل من كيلو عشان المسافه متكونش بعيده اوى ولا قريبه اوى وكمان مش احنا اتفقنا فى البدايه على مبدأ ان الواحد يعيش بعيد عن الناس ولا ايه ؟
مش هاخد معايا الكمبيوتر والموبايل
ولما اروق دماغى وافضيها سواء كان فى اسبوع او شهر او سنه ارجع تانى لوجع الدماغ والشغل والناس والزحمه والمشاكل المهم مارجعش الا بعد ما ازهق ودماغى تفضى خالص
ههههههههههههههههه ، انت بتحلم ،عايز تفهمنى لو جاتلك فرصة تعمل كده حتعمل ! جاوب بقى ، يا عم ارحمنا بقى و بطل اشتغالات ، هههههههههههههههههه !!!!!!
كوكو عتلم
انا هاعمل كده واروح الصحرا مخصووووووص علشان اربطك فى رجل الجمل واخليه يجرى واصورك وانتا بتتسحل على الرمل وتكون الصوره دى هيا الصوره الجايه فى البلوج انشاء الله وتبقى فضيحتك بجلاجل يا كوكو
قرات ردك هناوقرات معه حلمك وتاكدت انة حلم كل من يعيشون فى زحام الحياهـ وليس زحام المرور بل زحام كل ماهو الكترونى انا ايضاً مش هاخد الاب توب ولا الموبايل ولا اى شئ بداخلة زرار بل ااخذ معى كتاب ودفترى كى اكتب واكتب كثيراً اكيد هبدع فى الكتابة وهخرج بأفضل من الى بكتبة دلوقتى طبعاً بفعل الهواء النقى الى هناك والاتموسفير الى هناك :)
وممكن مع الاكل بتاعى ااخذ اكل للعصافير علشان لما احب يكونوا حواليا احط الاكل ويطيروا جنبى ممكن ااخذ معى اصدقائى علشان نتكلم فى كل شئ ونراجع نفسنا كلنا ونشارك بعض فى كل الاراء ونرجع مغسولين من كل الهموم
واول حد هييجى معايا اولادى مش هسيبهم ابداً لوحدهم هاخدهم معايا هما بيحبوا جداً الحياة دى وموافقين ييجوا واكيد مش هزهق من هناك بسرعة علشان معايا كل الى بحبهم
ممكن المرة الجاية يكون بدل صورة الجمل حصان اصلى بحب الخيل جداً ولو فى هناك فرس يبقى اخر تمام
انا غبت غبت ومش لاقيت صور جديدة فين جديدك بقى
تقديرى
هاى يامحمد
ازيك وازى مراتك
وكل سنه وانتم الاتنين طيبيين
حبيت اسلم وامشى
وافكرك انك كده طولت قوى ...كفايه كسل ونزل بوست جديد
ويكون ورد لو سمحت
انا زهقت من منظر الصحراااااوالرمال والقحط ده ...هو فيه احلى من الورد والزرع مع الغرووووب؟؟؟؟؟
تحياتى
رندا
كلامك طبعا مزبوط وهوا ده قصدى من الاسئله انك فعلا لو رحتى هناك هتعملى ايه وعشان ايه
شكرا رندا
بنت الغربه
معلش شفت التعليق متأخر بس ملحوقه
هممممم
أسئلة ذكية لصورة رائعة!!
بما اني انسانة احب اما الصخب التااام اوالهدوء التاااام ..(زي ما يقولو يا ابيض يااسود ..الرمادي مااحبه)
اعتقد اني حـ حب اعيش هناك لفترة ((((لوحدي!)))بعدها حـ حن لصخب المدينة ..بس بعدين برجع حـ حن للهدوء الصاخب اللي في الصحراء مرةتانية :]
حروح وارجع حروح وارجع وهكزا :]
همم بما انها مجرد فترة مش طويلة حستغني استغناء كاااااامل عن حياتي اللي هي (الاب توب)
وهذا انجاز بحد ذاتة ..لانه اللاب توب هو حياتي دراستي,شغلي ,لعبي ,هوايتي,صلة ارحامي..الخ
و بس حشيل(قرآن+الاشياء اللي تضمن لي ابقى على قيد الحياه)
ياسمين
احسن شىء ااك تستغنى عن الاب توب وتعيشى فى هدووووووووووء ولما تزهقى ارجعى للدوشه تانى
نورتى
دى كانت من احلامى انى اروح هناك و اعمل بيت كبيييييييييييييلا اللم فيه كل الناس ايللى بحبها و اتكلمنا فى الموضوع دا انا و انت قبل كدة
و اعمل مدينة بتاعتى مش فيها حاجة غير المزيكا و التصوير و القطط و اصحابى و اعيش فى هدوء
فاكر ؟؟؟؟؟؟؟؟
جارى مور و كرييد و لينين كرفيتز و الناس بتوعنا دول
اهههههههههههه واللهى نفسى بس فى مين هناك الست الالمانية صاحبة اخوك دى وو دى لوحدها يتفات لها بلاد
ياسو
طبعا فاكر ... كانت احلام جميله اوى
اقولك على سر ؟؟؟ انا لسه بخطط للموضوع ده
و انا كمان بخطط و ياللا بقى عشان انا زهقت من الناس كلها
ممكن بس ابقى بعدك بنص كيلو عشان لو فى ذئب طلع بالليل ولا حاجة
Yasso
يارب ياكلك من مناخيرك
إرسال تعليق