الأربعاء، أبريل 29، 2009


روز
ـــــــــــــــ
تحديث .....
شكرا جدا جدا ليكم كلكم وعلى تعليقاتكم وسؤالكم عنى فى الفتره اللى فاتت دى .. ومتأسف ان كنت مرديتش على تعليقاتكم فى البوست ده علشان كنت سافرت سفريتين ورا بعض لظروف الشغل عندى وكنت مشغول جدا جدا ولسه مشغول بصراحه بس مش زى اليومين اللى فاتو . ودلوقتى انا رجعت وهرد على تعليقاتكم انشاء الله .

هناك 60 تعليقًا:

my dream يقول...

اول تعليق
هيييييييييييييييييييييييييييييييييييه

sara rabie يقول...

احب الروز

و امووووووووت فى الروز

من احلى الالوان الى بتليق على وشي

زمان بقى :)))

..نرجع للوردة

انا مبحبش الورد يا عتلم
علشان بيخلص بسرعه.وينتهى فى ثانية

اتفرج عليه فى ارضه..مش اكتر

بس الصورة تحففففففة
مساء الخيرات يا كبير :)

my dream يقول...

انا بحب اللون الروز قوي وكمان في الورد بيبقى مريح
كالعاده فنان

MǿиY El-Shreef يقول...

جميله اوي يامحمد

عامله زي البحر كده

جمالها يغرقك

^-*

dodda يقول...

شكلها مفرح جدا

مع ان الورد بقى مستورد او من الصوبه

لحمد لله ان شكله لسه جميل بعد ما فقد اعز ما يملك

كل الورد وجماله هديه لتوته القطقوطه

كيكى عوووووو يقول...

حاسه انى توهت فيها!!!
اتسطلت!!!
عووووووووووو

yoyo يقول...

صباحك سكر

انا من عشاق الورد جدا جدا
وبمووووووت فى الون الروز اوى خصوصا الدرجة اللى انت مختارها دى
بجد تحفة تسلم ايدك

حاسة ان الصورة اخدتنى فى دوامة
زى موجة من امواج البحر
كل ورقة من اوراق الوردة كانها موجة ورا موجة
دائما وابدا الورد هو رسول العشاق و المحبين يبوح بما يعجز اللسان عن قوله
فما أجمل ان يهدى الحبيب حبيبته وردة مع باقة شوق ابدية

تسلم ايدك يا بن بلدى يا فنان
تحياتى
يويو

عاشقه الرومانسيه يقول...

الله عليك يامحمد
بجد تحفه
انا باعشق الورد البلدى
تسلم ايدك

بنت الغربة يقول...

حلوة قوى قوى يامحمد الصورة دى
بجد حلوة .. انا باحب الورد جدا جدا وخصوصا اللون ده والبربل كمان ..
معلش فاتنى شوية بوستات .. اصلى اشتغلت شويه بس للأسف المكان كان بعييييد قوى ( ساعه رايح وساعه جاى بالعربيه)فطبعا ماقدرتش اكمل فيه غير اسبوووع ..المهم شكرا على تهنئة عيد جوازى وعيد ميلادى ..وعقبال عندكم ..
انت عارف ان التوقيع بتاعى بالانجلش اخره ورده..من كتر مابحب الورد ..
ياريت تكتر من صور الورد ..وكل الالوان كمان ..
تحياتى ليك ولمراتك العسوووله..

أبو العريف يقول...

باشا
مساء الفل
والورد

ايه هي طالبه معاك ورد اليومين دول
تسلم ايدك يا مان
بجد فنان
حاجه تاخد العقل

فكرة من الزمن ده يقول...

جميلة جدا وراقية كالعادة
الكادر داخل جوة تفاصيل الوردة لدرجة اني حاساها اكتر ما انا شايفاها
تحياتي

حاجات جوايا يقول...

بجد مش عارفة اقولك ايه ؟
الصورة دى حسستنى وكأنها قلب مقبل على الحياة وفاتح ذراعيه لتقبل الحب وكله سعاده وسرور
رائع أنت أخى الفاضل
وصورك رائعة
فى انتظار المزيد
ربنا يوفقك

ساره يقول...

من الصوره شميت احلى ريحة ورد بلدي
تجنن

اول مره هنا
عجبتني المدون كثير

الـسـيـدة نـون يقول...

رغم انها صورة
الا انى شميت ريحتها
ريحتها حلوة
الوردة فيها ضحكة شريف حبيبى
وشوفت فيها عيون فيروز

الصورة تهبل
تاخدك لدنيا نضيفة جدا
شوفت فيها نفسى وانا خارجة من الحمام لابسة البرنس ولسة جسمى فيه ريحة الشاور جل بريحة الورد

الصورة فيها انتعاش ورقة

فيها واحد بيحب واحدة
وواخد معاه الوردة واسطة
وبيلاعب حبيبته فى مناخيرها بالوردة


شوفتنى وانا قاعدة فى بلكونة ماسكة مج كاكاو وريحة الوردة بتخش فى نخاشيشى
وبتزغزغنى من جوة



تسلم ايدك وكاميرتك يا عتلم


سلام
اختك خيخة

الـسـيـدة نـون يقول...

صورة لوردة
انما تحفة
فيها فرحة
فيها ضحكة
فيها حب عتلم لـــتوتا

اول مرة اشوف صورة وابقى شامة ريحتها


انا عجبانى الصورة دى اوى

اقصوصه يقول...

حلوه وايد :)

نرمين يقول...

هاى يامحمد
الصوره جنان بجد وهايله
عارف بتحسسنى يإيه بالنقاء اللى مش موجود رغم إن لونها روز مش أبيض

برافو

نرمين يقول...

محمد صحيح
كنت عايزه أعرف حاجتين
الأول سؤال والتانى إقتراح
السؤال هوه
ليه حاسه إن ورق الورده الخارجى تايه مش متحدد ده من اللون الروز ولا من زووم الكاميرا ولا إيه

نرمين يقول...

أما الإقتراح بقا
ليه مثلا مثلا متغيرش مكان الإمضاء وتخليه فى الركن الشمال من تحت كتغيير مش أكتر لأن أغلب الورد اللى فى المدونه الإمضاء فى النصف
على فكره ده إقتراح مش أكتر

yoyo يقول...

صباحك سكر يا بن بلدى

فينك ياترى ؟؟
يارب تكون بالف خير يارب
مش تطول الغياب علينا كدا

تحياتى
يويو

اسماء عوني يقول...

انت فيين
الصوره هايله

♥ سحر ♥ يقول...

يمي

يمي

فاتنة

ناعمة

هادئة

جذابة


وكأني اتذوقها رئحتها المخملية محمد
كأنها دهاليز تختبىء ببعض وتحف وتحمي بعض

محمد التقاطة دافئة جداً

باقة ورد كل روز واقحون

my dream يقول...

ايه يافنان
فينك ؟؟؟
مش متعودين على الغيبه دي
يارب تكون انت وتوتا بخير
وبعدك ما يطولش

حاجات جوايا يقول...

لم هذه الغيبة أخى الفاضل ؟
أسأل الله ان تكون انت واسرتك الكريمة بكل الخير

سالى

فكرة من الزمن ده يقول...

عتلم اين انت يا فنان
اوعى تكون سافرت
ولا زعلان علشان سرقت الصورة
بس انا استاذنتك صح؟
مافيناش من زعل
اظهر بقى وبان عليك الامان يافنان الشعب يسال عنك

مدونة أنفاسي يقول...

مرحبا سيدي / عتلم


أتدري

عندي مشكله حقيقيه مع الورد

الجوري الزنبقي يبهرني

بالسعودي" أنهبل بس أشوفه "

حقيقة لا أخفيها أحس بإختفائي
لو حظرت الورود ولو كنت بين مليون شخص


شكرا ً لذوقك الرفيع


تقديري

Unknown يقول...

السلام عليكم
وصباح الخير
اين انت
ياعتملموومو؟
يارب تكون بخير

Unknown يقول...

الورد جميل ياعتملومو
وانت تدرى هذا والا ما
كنت وضعتها تلك الصورة
فأنت لا تضع الا الجمال!

كيكى عوووووو يقول...

تصدق انى هطله اة والله
هطله
شايفك بقالك فترة غاااااااااااااايب
مش على الساحة يعنى
دخلت على المدونة ودخلت على البوست لقيتك بترد اهوا
قولت الله يبقى انا الى مختفيه بقى
اذا اتفاجأ انى دخلت بوست من البوستات القديمة
احم احم
مش موضوعنا يعنى المهم
انت فين؟؟؟
عوووووووووووو

yoyo يقول...

صباحك سكر

اممممم يا ترى ليه الغياب ؟؟
دا تقل ولا دلال بقى ؟؟

يارب تكون بالف خير يارب
فى انتظارك يا بن بلدى
تحياتى
يويو

حاجات جوايا يقول...

?????????

وبعدين
ايه الغياب ده كله ؟؟

لعل المانع خيرا ان شاء الله

لدى تاج فى انتظارك لاستلامه

دمت بخير ودام احبائك

sara rabie يقول...

حمدلله على السلامة يا فنان

ربنا معااااااااك

:)

Unknown يقول...

حمدلله على السلامة
ودايما منورنا
(إن شاء الله)

حاجات جوايا يقول...

حمدا لله على السلامة أخى الفاضل
الحمد لله انك واسرتك فى اتم صحة وافضل حال

نورت مدونتك

تعالى بقى استلم التاج

أبو العريف يقول...

حمدالله علي السلامه يا فنان
وحشتنا جدا
مش عارف هي شوطه ولا ايه
كل المدونين بيختفوا اليومين دوووول
ربنا يستر بقي عليهم

تحياتي يا مان

yoyo يقول...

صباحك سكر

حمد لله على سلامتك
والحمد لله انك بالف خير واسرتك كلها بخير
يارب دايما

فى انتظار جديدك
تحياتى
يويو

الـسـيـدة نـون يقول...

طب كويس انك بخير

انا كنت لسة جاية اكتبلك تعليق يدل على مدى قلقى عليك

بس الحمد لله لاقيتك كاتب تحديث تطمنا فيه عنك

يارب دايما تكون بخير



سلام
اختك خيخة

محمد عتلم يقول...

my dream
ازيك يا مروه ؟؟
وشكرا على سؤالك عنى
اما بالنسبه للروز فهو من الالوان المريحه للنظر جدا وخاصة فى الورد
تحياتى ليكى جدا

محمد عتلم يقول...

ساره ربيع
صباح الخير يا حجه ساره
والله وحشتينى
عامله ايه فى الغربه ؟
انتى مبتحبيش الورد ليه ؟؟ ينفع كده ؟
فيه حد مبيحبش الورد ؟
عموما مرسى يا باشا على سؤالك عنى فى المدونه وعند توتا كمان .. وصل يا باشا السلام .
عموما انا رجعت وهقرفك تانى زى الاول واكتر كمان

محمد عتلم يقول...

مونى الشريف
شكرا ليكى يا مونى وجميل انها عجبتك يا مونى .. وهيا فعلا عامله زى البحر عشان فيها امواج

محمد عتلم يقول...

دودا
ازيك يا رضوى ؟؟
يعنى بتدى كل الورد لتوتا وانا مليش ولا ورده ؟؟ طب ماشى ماشى .. اصحاب اونطه احنا ولا ايه ؟

محمد عتلم يقول...

كيكى
ياكيكى انتى اصلا مسطوله من غير ماتشمى الورده او تشوفيها حتى .. وطمان هطله ؟؟
يعنى انتى بتدخلى على بوست قديم وفاكراه جديد ؟
المهم انتى ايه اخبارك ؟ وطبعا سواء كنتى مسطوله او هطله برضه بكون مبسوط بوجودك ومنورانى دايما يا كيكى عوووووو

محمد عتلم يقول...

يويو
بنت بلدى الجدعه اللى بتسأل عليا دايما
اخبارك ايه يا يويو وعامله ايه فى طنطا ؟؟ واخبار طنطا ايه ؟؟ اوعى تقولى انها زى ماهى عشان مزعلش .
عموما مرسى جدا ليكى وعلى سؤالك عنى فى الفتره اللى فاتت دى . معلش انا كنت مشغول شويتين فى الشغل وكنت مسافر عندى تصوير فى كام بلد كده بس رجعت الحمد لله وهعملكم ازعاج ودوشه من تانى انشاء الله .. تحياتى ليكى يا يويو

محمد عتلم يقول...

عاشقة الرومانسيه ... دودو
طبعا الورد جميا وانتى بما انك عاشقة الرومانسيه وصاحبة احلى قطه فى الدنيا فأكيد هتعجبك الورده دى
منوره

محمد عتلم يقول...

بنت الغربه
ازيك ..ايه اخبارك .. وايه اخبار القعده فى البيت ؟؟ مش احسن من الشغل برضه ؟؟
يعنى تشتغلى اسبوع واحد بس وترجعى تانى عشان بعيد ؟؟ بس انا اعرف ان دبى بقت فاضيه وناس كتير مشيو من عندكم يعنى مفيش زحمه زى الاول مش كده ؟؟
عموما منوره المدونه طبعا وهملهالك ورد انشاء الله عشان انا كمان بحب الورد جدا جدا

محمد عتلم يقول...

ابو العريف باشا
ايه ياعم الاخبار ؟؟
الصحرا اللى انتا فيها دى اخبارها ايه ؟
هيا تقريبا زى مابتقول شوطه او ممكن تسميها كرشة نفس من العيشه منتا عارف بأه الحياه والشغل

محمد عتلم يقول...

فكره من الزمن ده
مرسى يا فكره على سؤالك عنى
واوعى تفتكرى انى ممكن ازعل منك فى يوم من الايام .. انا بس كنت مسافر فى شغل والله وانشغلت جدا جدا الفتره اللى فاتت . وحتى كمان لسه ماشفتش الصوره عندك . وهشوفها انشاء الله وهزورك قريب جدا جدا

محمد عتلم يقول...

حاجات جوايا .... سالى
صاحبة الشموع المضيئه ...
اخبارك ايه يا سالى ؟؟
ومتشكر جدا جدا على سؤالك عنى واسف انى طولت بس والله كنت مشغول فى الشغل
وعموما انا جيت وهستلم التاج منك وكل تاج وانتى طيبه يا سالى

محمد عتلم يقول...

ساره
اهلا بيكى يا ساره فى المدونه وتشرفى وتنورى المدونه فى اى وقت واعتبرى البيت بيتك
اعتذر عن التأخير فى الرد نظرا لغيابى وانشغالى فى العمل .
تحياتى ليكى يا ساره

محمد عتلم يقول...

خيخه
ازيك يا بت يا خيخه ؟؟
انتى شكلك كده راسمه على فيروز لشريف ؟؟ مش كده ولا ايه ؟؟ انا يشرفنى طبعا ان فيروز تبقى حماتها خيخه
عجبتنى اوى حتة ان الواحد بيلاعب حبيبته فى مناخيرها دى .. طب يلعب فى شعرها فى خدها .. انما مناخيرها ؟؟ بس تعرفى انا لما يكون معايا ورده وهلعب بيها مع حبيبتى اكيد هيكون فى مناخيرها فعلا .. خيخه بس فاهمه والله وبتجيب من الاخر
تحياتى ليكى وشكرا على سؤالك

محمد عتلم يقول...

نرمين
فعلا الورده فيها نقاء رغم ان لونها مش ابيض
بالنسبه للورق الخارجى للورده هوا تايه فى بعضه وطبعا ده عن قصد اكيد عشان لو الورده اطرافها مش داخله فى بعض مش هتحسسك بعنصر الاحتواء او الحركه او الحياه .. هتحسى انها جميله اكيد بس مفيهاش نشاط .. عموما ده شىء عندنا فى التصوير اسمه Flow او Out Of Aria او Out of Focus
وهتلاقى فى المدونه صور لورد تانيه هتلاقى اطرافها متحدده تماما بس كل صوره وليها رونقها . وطبعا انا اللى بتحكم فى الامكانيه دى من خلال الاضاءه والعدسه
اما للأقتراح بتاع التوقيع فأنا بمضى على الصور فى اماكن على حسب التغير مش اكتر يعنى مره فوق ومره على الشمال ومره على اليمين ومره فى النص .. مش اكتر من تغيير بس فى الغالب بيكون التوقيع فى الحته اللى متكونش مزعجه للنظر
وتحياتى جدا ليكى واى سؤال تحبى تعرفى اجابته انا تحت امرك طبعا عشان انتى بتسألى فى حاجات كويسه ونقط مهمه

محمد عتلم يقول...

اسماء عونى
اخبار الحياه والسفر وتررم ايه ؟؟
انا موجود يا باشا بس كنت مشغول شويه فى الشغل . وعموما انا رجعت الحمد لله وهزورك قريب
ونورتينى يا اسماء

محمد عتلم يقول...

انفاسى
لو انتى تحسى بأختفائك فى حضور الزهور هذا مما يدل على حبك للزهور ورومانسيتك العاليه وتواضعك الجميل
شرفتينى ونورتينى يا انفاسى وهلا بيكى

محمد عتلم يقول...

اقصوصه
شكرا ليكى اخت اقصوصه وجميل انها عجبتك

محمد عتلم يقول...

ملكة الاحساس
يمى يمى ؟؟
هههههههه ..
شكرا ليكى وجميل انها عجبتك والاجمل انك تذوقتى رائحتها المخمليه
تحياتى ليكى

محمد عتلم يقول...

Norahaty
انا موجود يا باشا وتسلم على السؤال يا جميل . بعدين هوا الورد لو مش جميل كنت صورته اصلا ؟ ده اجمل وارق شىء فى الدنيا

سبهللة يقول...

فى الورد البلدى
بجد الصورة دى تحفة

محمد عتلم يقول...

سبهلله
شكرا ياسبهلله

No Comment يقول...

We7sha tab3an el sora de

محمد عتلم يقول...

no comment
انا رأيى كده برضه