السبت، أبريل 25، 2009



ورود و شموع

هناك 51 تعليقًا:

MǿиY El-Shreef يقول...

اوووووووووووووول تعلييييق

الصورة جميله اوي اوي

وفيها رومانسيه تحففففه

هو الصور دي من تصويرك يا محمد

محمد عتلم يقول...

مونى الشريف
انا شكلى بدن فى مالطه من سنين
انا يا مونى اللى مصور الصوره دى
وانا اللى مصور كل الصور اللى فى المدونه .. وبعدين انا شغلتى اصلا هى التصوير
سيبك انتى .. منورانى ومشرفه البلوج كله وتحياتى ليكى

Empress appy يقول...

الوان الصوره تجنن بجانب طبعا الورد والشموع انا بعشقهم لو يعرف الراجل قيمتهم هيملك قلب اي ست فى العالم

محمد عتلم يقول...

آبى
نوتى المحكمه وقلتيلى على معلومه مهمه اوى ... عموما علم وينفذ يا باشا
شكرا ليكى

نرمين يقول...

هاى
صوره جميله
بس أنا متأكده إنك ممكن تطلع منها أحلى من كده
على فكره ممكن تستغنى عن الجيتار خالص
وتحط مكانه شمعتين كبار
ده رأيى
مش معنى كده إن الصوره مش حلوه بالعكس أنا قلت رأيى فيها فى الأول

محمد عتلم يقول...

نرمين
اهلا بيكى يا نرمين فى المدونه
نورتيها طبعا
يعنى الليله لما يكون فيها ورد وشمع وكوبايتين عصير اكيد هتكون رومانسيه .. وياسلام بأه على شوية مزيكا هاديه تبقى الليله ... واو
اكيد المزيكا الهاديه هتدى الليله جو تحفه .. مش كده ؟؟ هوا ده اللى انا صورته .. ورد وشموع ومزيكا هاديه وحاجه تتشرب عشان الواحد ريقه نشف من الضلمه دى .
بس طبعا كل واحد ليه وجهة نظر وانتى وجهة نظرك اكيد صح عشان انتى حابه تعيشى الجو كده من وجهة نظرك
بس نورتى طبعا وياريت ماتكونش اخر زياره .. يعنى اشوف تعليقاتك على طول وبكل صراحه هكون بجد مبسوط
انا عامل المدونه دى عشان اعرف وجهة نظركم كلكم سواء متفقين او معترضين

طـائر الليــل الحـزين يقول...

ايه الجمال الرومانسى ده
اهوه كد الواحد يحس بالهدوء والراحة اللى بيفتقدهم كتير
تسلم ايدك يا فنان

كيكى عوووووو يقول...

لابقى دى جامدة موووووت
اية الرومانسية دى ووووووو**حاجات مش عارفة اعبر عنها**
بس عايزة اعرف اية الى جوه الكاسات ده؟؟
مجرد سؤال برئ
عوووووووووووو

عاشقه الرومانسيه يقول...

سيدى ياسيدى ع الرومانسيه
ايه بس الجمال ده؟
جو رائع خلانى سرحت بخيالى بعيييييييد ورجعت تانى
رحت فين؟
لأ مش هاقولك
(:

my dream يقول...

عم ياعم
ايه ياعم الفن ده
انت عارف رأي
انا مش هتكلم
بس لو تسمح انا هبقى استلفها واكتب عنها بوست اوك
وهكتب ان البوست من وحي الصوره للفنان العالمي والعالمي جدا محمد عتلم اوك انا مش هنفز غير بعد ما اخذ الاذن اهوه
علشان ما يبقاش سطو مسلح مع سبق الاصرار

الـسـيـدة نـون يقول...

كان عندى جيتار
وكنت بقعد اهبل عليه
كنت بحب فكرة انى يكون من ضمن هوياتى عزف الجيتار
ومرة سألت مركز تعليم موسيقى تعليم الجيتار بكام
لاقيته غالى عليا وقتها
فكبرت دماغى
واقعدت اهبل مع نفسى على الجيتار

افتكرت مغامراتى مع الجيتار لما شوفت الصورة دى

حلوة يا عتلم
احلى مافيها الجيتار

سلام
اختك خيخة

الـسـيـدة نـون يقول...

احنا اخوات مش كدة؟
يعنى لو قلتلك رأيى بصراحة فى الصورة مش هاتزعل
صح ... ولا انت ممكن تزعل؟


طب انا هاقول رأيى وانت لو زعلت قولى


في حاجة فى الصورة مخليانى مش مستشيكاها

اللون الاحمر شبه لون شربات الورد
ويمكن فعلا الكاسين الموجودين دول يكونوا شربات ورد
وانا مش عارفة ليه مش بحب لون شربات الورد ولا طعمه
بحس انه حاجة مايعة ومش صريحة

الشمع الاصفر شبه صفار البيض

الصورة لو من غير جيتار ماكنتش هتعجبنى
وجود الجيتار هو اللى مخليها شيك
ويمكن هو اللى مخليها ليها احساس

الصورة من غير جيتار
كانت هتبقى مجرد ورد وشموع
وحكاية الورد والشموع دى حاجة عادية مافيهاش جديد

لكن وجود جزء من الجيتار
اداها احساس تانى
وجود الجيتار
ادانى احساس ان الصورة راقية جدا



انا اسفة لو انت زعلت؟


سلام

اختك خيخة

الـسـيـدة نـون يقول...

أه حاجة تانية

الكاسات مش كريستال

الكاسات شكلهم مش حلو
شكلهم كاسات من العتبة

يمكن لو كانت الكاسات كريستال
كانت نظرتى اختلفت

وكمان درجة لون السائل الموجود فى الكاسات
شبه لون الورد
ودى حاجة مش لذيذة
لو اللونين مختلفين كانت هتبقى مميزة اكتر


سلام
اختك خيخة

حاجات جوايا يقول...

ورد
وشموع
وجيتار
وضوء خافت

قمة الرومانسية والشاعرية
راااااااااااااااائعة

تسلم ايدك يا فنان
فنان بجد
زادك الله ابداعا ورقيا

خالص ودى
سالى

قوس قزح يقول...

طيب بما انه مش عجبك انى اتفلسف
اسمع بقى

الصورة دى
اربع حواس
و ناقصة واحدة علشان تكمل
و الواحدة دى انت سايبها لكل واحد و خياله

انا حرة بقى فى احساسى بالصورة
(وش مطلع لسانه )

محمد عتلم يقول...

طائر الليل الحزين
اى خدمه ياعم .. اظن مفيش لاراحه ولا هدوء اكتر من كده

قوس قزح يقول...

لما قريت التعليقات و خصوصا احساس خيخة

قلت ابص تانى على الصورة

يمكن الاحساس ده نتيجة ان الاضاءة كانت محتاجة تكون بزاوية تانية .. مش عارفة

سلام يا فنان

محمد عتلم يقول...

كيكى عووووووو
شقيه انتى يا كيكى .. عايزه تعرفى ايه اللى جوا الكاسات ؟؟
ماشى ماشى . هقوللك وامرى لله يس والنبى من غير فضايح اصل انا عارفك
اللى فى الكاسات ده مشروب تفاح بس لونه روز اسمه Moodz . المشروب ده عباره عن تفاح بس بينزل بألوان مختلفه فيه روز وفيه بنفسجى وفيه اخضر وفيه ازرق بس كلهم تفاح
بـخـخـخـخـخـخ

محمد عتلم يقول...

عاشقة الرومانسيه
والنبى والنبى قوليلى رحتى فين ؟

محمد عتلم يقول...

My Dream
عالمى ؟؟؟ ههههههه .. ربنا يجبر بخاطرك ويخليكى ليا يارافعه من روحى المعدنيه
دانتى واخده فيا ألم جامد اوى
عموما مرسى جدا ليكى وانا موافق طبعا تكتبى عليها بوست
هوا احنا نطول ولا ايه ؟؟
شكرا ليكى

محمد عتلم يقول...

اما صحيح خيخه بجد
لا واى كلام كمان
عتبه ؟؟ عتبه يا مفتريه ؟؟
انا عايش فى جده وانتى تقوليلى عتبه ؟؟
ههههههههه متخيل نفسى وانا فى المطار ورايح بلاد بره - الخليج مثلا - وواخد معايا زلعة المش ومشنة العيش وبطه صاحيه وكوبايتين من العتبه . منك لله
عموما انا عمرى ما ازعل من اختى خيخه واللى جوا الكاسات ده مش شربات ورد ولا حاجه .. ده مشروب غازى اسمه موودز لونه روز غامق بطعم التفاح وكلام فى سرك ده مشروبى المفضل انا وتوتا
وبمناسبة الجيتار انا بلعب جيتار من قبل ما احترف التصوير والحياه عندى من غير جيتار ولا تسوى
عموما نورتينى وشرفتينى وشردتينى هههههه . عتبه ؟؟ آآآه يامه

محمد عتلم يقول...

سالى .. حاجات جوايا
ازيك يا صاحبة الشموع المضيئه
شكرا جدا ليكى على التعليق الجميل ده
انا مصور الصوره دى من حوالى شهرين تقريبا وكل ماشوفها افتكر شموع مضيئه لدرجة انى فكرت اسميها شموع مضيئه فعلا بس قلت لالالالا الاسم ده بتاع سالى وبس
نورتينى دايما يا سالى .

محمد عتلم يقول...

قوس قزح
انتى عارفه يا قوس قزح انى فعلا بثق فى تفكيرك وتعليقك ؟ اه والله
وعشان كده انا بحب انكشك فى عقلك شويه
طب اربع حواس ايه بأه ؟؟
الرؤيه / كل التفاصيل
السمع / المزيكا
التذوق / العصير
اللمس / مانتى هتمسكى الحاجات
الحاسه السادسه / الخيال ودى اللى ناقصه مش كده ؟؟
هوا العصير لو كان لونه مختلف كانت الصوره بقى ليها شكل تانى فعلا .. مش عارف هيكون احلى ولا ايه . بس انا مش بفضل كتر الالوان بحب الالوان تكون داخله فى بعضها شويه . بس هجربها طبعا قريب
نورتى

قوس قزح يقول...

لا يا محمد
الاربع حواس الموجودين فى الصورة هم

النظر متمثلة فى الشمع و اضاءته
الشم متمثلة فى ريحة الورد
السمع متمثلة فى الجيتار و صوته
التذوق متمثلة فى العصير

الخامسة اللى ناقصة هى اللمس
و دى اللى متروكة لخيال كل واحد شاف الصورة هتكون ازاى و مع مين :)

محمد عتلم يقول...

قوس قزح
فاتتنى حاسة الشم دى
اصل كلام فى سرك ... الورد ده ملوش ريحه .. عشان كده مجاش على بالى

نرمين يقول...

هاى
على فكره يامحمد لو دى وجهة نظرك يبقى حقك تسمى الصوره ورد وشموع ومزيكا مش ورد وشموع بس
عشان تدى كل حاجه حقها
فيه حاجه كمان ممكن أعرف إيه اللى فى زاوية الصوره تحت إيد الجيتار
دى مخده ولا إيه
إوعى يكون الورد مكملش معاك الصوره
بهرج
إوعى تزعل
بس بردك وجهة نظرىزى ما قولت فى أول تعليق إنها حلوه

my dream يقول...

اطمن من ناحية تطول فانت تطول قوي
ان شاء الله مرسي ومتحرمش ابدا
قريب قوي هنزل البوست وهديك خبر
على فكره ابقى سلم على توتا
يلا سلام
توصي شي

محمد عتلم يقول...

نرمين
انتى طلعتى قوية الملاحظه ماشاءالله عليكى
انا فعلا مخدتش بالى من المخده خالص عشان انا عندى مضلم الشاشه اوى عشان الشغل بس لما فتحت الشاشه لقيتها فعلا
اروبه انتى
بالنسبه لاسم الصوره انا ممكن اسميها ورود وشموع ومزيكا وكاسين وعصير تفاح...ومخده عشان كل حاجه تاخد حقها
بس انا اختصرت الطريق
الاسم قابل للتغيير فى اى وقت عشان المهم فى الموضوع الصوره مش الاسم . وممكن الصوره تدى اكتر من اسم وانتى ممكن تدى اى صوره اى اسم من عندك طالما لايق عليها انا مش هكون معترض بالعكس .. هكون مبسوط
انا مليش فى الكتابه بس ليا فى التصوير
تحياتى ليكى يا قوية الملاحظه
ومستنى تعليقاتك الجايه

محمد عتلم يقول...

My Dream
ربنا يخليكى يا رب
ومستنى البوست انشاء الله

MǿиY El-Shreef يقول...

معلش يامحمد يعني انا لسه جديده هعرف منين :D

بس انت بتصور حلو اوي انا بحب التصوير جداااااااااا

بتدي دروس

؟

هههههههههههههههههه

محمد عتلم يقول...

مونى الشريف
بصى يا أمينه .. انا مش بدى دروس ولا حاجه بس لو عايزه اى معلومه عن التصوير ممكن اقوللك عليها مفيش مشكله
بس لو عايزه تتعلمى فى مكان متخصص قوليلى بس انتى عايشه فين وانا اقوللك فين المكان اللى ممكن تتعلمى فيه ويكون كويس

أبو العريف يقول...

ياسلام
ورود
وشموع
وحته جيتار
الصوره جامده يا مان

بس انا بموت في الابيض والاسود
فين يا عم الحج

yoyo يقول...

صباحك سكر

يا الله على الرومانسية
ايه الجو الشاعرى دا
شموع و ورود و جيتار و كمان مشروب
كدا كام حاسة يا بن بلدى
اجمل مافى صورك يا محمد انك بتلعب بيها على اوتار حساسة اوى مش صورة والسلام لا دى بتكون بتعبر عن مشاعر حلوة اوى بتتجاوز كل الكلام

حبيبى على انغام جيتارك تحركت مشاعرنا
ومع همساتك العذبة فاض كأس حبى عشقا لك
الليلة انا اسيرتك
فلنجعها ليلة عشق ابدية مع تلك الورود البرية
فانا اسيرتك الليلة وكل ليلة

تسلم ايدك يا محمد
دمت مبدعا و متالقا
ايوه كدا يارافع راسى يا بن بلدى يا عسل
تحياتى
يويو

لو بطـلـنا نـحـب نـمـووووت يقول...

السلام عليكم
النواحى الفنية عندك رائعة
وفيها معانى بتدل على الاحساس الحقيقي بها
تقبل تحياتى

محمد عتلم يقول...

ابو العريف
كيف الحال ؟ وايش اخبارك .. عساك تكون بخير ؟؟
تسلم يا باشا وربنا يخليك للغلابه اللى زى حالاتنا
وبعدين ما احنا لازم ننوع برضه .. مره الوان ومره ابيض واسود يا معلم علشان متزهقش

محمد عتلم يقول...

يويو
والنبى انتى اللى عسل يا يويو
دايما بتقوليلى كلام حلو كده على طول
لالالالا انتى كده هتخلينى آخد 30 ألم فى نفسى واتنفخ واتختخ كده واشوف نفسى على البشر .. ربنا يخليكى للغلابه يااااااارب
وبعدين تعالى هنا قوليلى .. انتى بتجيبى الكلام الحلو ده منين ؟

محمد عتلم يقول...

لو بطلنا نحب نمووووووت
شكرا على الزياره الجميله دى وشكرا جدا على الكلام الجامد ده
وارجو انها متكونش اخر زياره
وتحياتى ليك

فكرة من الزمن ده يقول...

روووعة
والله روعة
سوف استغل الصور دي عندي في البوستات ان شاء الله ولا تغضب طالما توقيعك موجود
الاخوات لبعضيهم
ليا سؤال
انت بتعد تفنن وتنسق وبعدين تصور يعني بتبني الصورة مع سبق الاصرار والتريس
ولا احيانا المنظر بيستدعي كاميرتك؟


تحياتي

محمد عتلم يقول...

فكره من الزمن ده
ايه البلطجه دى ؟؟
كده عينى عينك ؟؟
ماشى ماشى .. هوا انا اقدر اتكلم ؟
انا معنديش مشكله طبعا وكل المدونه تحت امرك
عموما انا بعمل الصوره فى دماغى الاول واشكلها وارسم الاضاءه الاول واتخيلها واشوفها الاول فى ذاكرتى .. وبعدها ابتدى انفذ الصوره واحط الحاجات بالشكل اللى انا رسمته وبعدها اعمل الاضاءه بتاعتها واصور . وبتطلع الصوره فى الاخر زى ماتخيلتها
بس احيانا وقت التنفيذ او التصوير ممكن اعمل تعديل على اى حاجه على ارض الواقع . بس الفكره الاساسيه طبعا موجوده ... بس خلاص ودمتم

dodda يقول...

انا حعتبر ده احتفال بمرور سنه على مدونتى :0)

---
بثراحه كل اللى فالته خيخه جه غى بالى بس مش حشردلك

اصل مفهوم الناس عن الكريسنال انه محفور فيه دهبى من فوق
لكن احلى حاجه فى الكريسنال هى صوته
لما يرن فى خلفية صوت الجيتار

بس موضوع صفار البيض مظبوط
الغريبه بقى بينى وبينك ليه محدش علق على الشلتتين اللى ع اليمين!!

سلامى لتوته

غير معرف يقول...

قولتلى
تفاااااااااااااااااااااااااااح
وانا الى قلت....
ظلمتك
اهى اهى
ظلمتك
سامحنىىىىىىىىىىىىىىىىىى
**سورى مش قادرة اخش مدونتى ولسة هكتب الميل بقى والباص ورد كدة اسهل**
عوووووووووووووووووو

محمد عتلم يقول...

دودا
كل سنه وانتى طيبه بمرور سنه على المدونه بتاعتك
بصراحه يا دودا انا مش بعمل اعلان عن الكاسات والا كنت جبت كاسات تحفه ميتشربش فيها . والدهبى ده كان من ايام تيته وجدو بس المقصود هنا ان فيه فى وسط الليله حاجه حلوه هتتشرب .. فى كريستال بأه فى قله بلدى .. الموضوع مش كبير اوى
اما صفار البيض ده اللون الطبيعى جدا جدا اللى هتشوفيه لما تولعى اى شمعه صغيره فى الاوضه بتاعتك وتكون الاضاءه هيا ضوء الشمعه بس .. هتلاقى ان هوا ده اللون الطبيعى
اما المخده فدى انا مخدتش بالى منها ومع ذلك مش هشيلها عشان مش مبوظه الصوره

محمد عتلم يقول...

كيكى عوووووو
كده يا كيكى تظلمينى ؟؟
كنتى فاكره الن اللى فى الكاسات منكر ولا ايه ؟
عموما انا مش زعلان منك ولا حاجه .. حد يزعل من كيكى عوووووو ؟

carol 2002 يقول...

إسمح لى ان أنقد شغلك نقد فنى !؟
موافق !
طيب ok ((:

أعتقد إنك تتفق معى فى إننا عندما نشاهد اى صوره نراها كما لو كانت لوحه تشكيليه, و أعتقد انك تعلم هذا
لذا نحاول ان نضع فيها اساسيات ندركها مسبقا
وهى إتزان العناصر الموجوده بها
من مثل الإتزان لونى و الكتلة الفراغ

و هنا أجدك وضعت كلاٌ متداخلاٌ مع بعضه

الأضاءة مثلا
ممكن ان تكون خافته
ولكن أين بطل اللوحه!؟
أين التركيز !!
أرى أن مصدرها من أعلى الصورة
و تنتهى عند الشموع

ولكن, وجود اللون الابيض
الموجود فى الورد يعكس الاضاءة الساقطه عليها فيخطف النظر أكثر من الشموع

أيضا اللون الاحمر بكثره هكذا
بيعمل زى تشويش كما لو كانت الخلفيه
منقطه لأنه أيضا يعمل ظلا تحته فيخلق لون أسود معتم
فتصبح خلفيه منقطه أحمر و اسود
تخيلها كده

و أجدك تضع الكاسين و بهم لون احمر فى وسط خلفيه حمراء
لماذا !؟
أقصد لماذا لم ألحظ وجودهم ؟
انا بصراحه علمت بوجودهم فى البدايه
بالتخمين لأن وجود الشموع الصغيرة هذه خطف نظرى أكثر منهم
و بسبب لون المشروب إلى بداخلهم
لونه أيضا أحمر حتى إن كان لونه روز
فهو تغير و شفّ لون خلفيته عند وضعه وسط الورود الحمراء المبعثره على الارض
فوجودهم بهذا الشكل .. غير مؤثر
لوجود شىء آخر خطف النظر عنهم

أيضا زاوية اللقطه (الكاميرا)
أعتقد مع كل هذه العناصر , إذا كانت
أسفل قليلا ربما كانت وضْحت الفارق فى الاطوال
و تعطى تفصيلا قليلا فتبرز و توضح

آخر نقطه
الجيتار, لا أعترض على وجوده بالعكس
ولكن دخوله فى الكادر بهذا الشكل
غير مفيد .. كان ممكن تضع عنده شمعه منهم
فتُدخل نظرى مرة آخرى للداخل

لأن العين تدخل داخل المشهد
مع اول خيط او بطل اللوحه
و تتنقل من عنصر لآخر و المفروض لا تخرج مرة ثانيه من اللوحه
اى على الفنان ان يجعل العين تدور مع عناصر اللوحه من اول ما تدخل فتتنقل
ببساط من نقطه لأخرى بشكل مريح للعين

ولكن هنا
أرى لوحه بها بقع إضاءة متناثرة
و يقطعها شريط إسود بالوَرب
و للأسف جعل عينى تمشى معه حتى خرجت معه
لخارج اللوحه

جرب كده
إن ديئت عينيك شويه
( كأنك بتنظر للشمس مثلا)
و حاولت تشوف الصورة
سوف تكتشف كل ما قولته
بقع النور و الضلمه
و القاطع الذى فصل اللوحه لنصفين
كأنك ركبت صورتين

طبعا, مش كل الناس لازم او المفرود هاتكون شايفه كل إلى بقوله ده
لأن انا بتكلم فى تفصيليات تشكيليه
يعرفها من له صله بالفن عموما
و أكيد إنت عارف دا كله
و لكننى أتحدث فيما افهمه و ادركه

ولا كنت تفضل أن أقولك كلمتين تشجيع و خلاص !؟

نحن أيضاالرسامين كذلك
أحيانا نرسم لوحه ولا يوجد بها اى شىء مما أقوله
لأنها مرسومه فى لقطه واحده
مثل إرتجال قطعه موسيقيه

و انا إن إعتبرت هذه الصورة
لحظه من لحظات إرتجالك

سوف أقول لك
إن إحساسك بها واضح
فالرومانسيه هى عنوانها
و الجو العام لها
و ايضا كثرة عناصرها
التى ترجمتها
أصبحت لا تحتاج لكتابة عنوان
(:

تحياتى لإبداعاتك
و فى إنتظار المزيد و الجديد دائما
فلا تتوقف.. تعجبنى كثيرا محاولات
على الأقل أنشط منى (;
كما تعجبنى عدستك و رؤيتك
(:

ياريت ماتكنش زعلت من نقدى
دا كلام رسامين .. يعنى مجانين (;
طنش طنش

محمد عتلم يقول...

كارول
طبعا انا مبزعلش من الكلام ده عشان ده تحليل من وجهة نظر مشاهد فاهم
وفيه تحليلات تانيه تتفق معاكى واخرى تختلف معاكى وبتحللها بشكل تانى من جهات اخرى
تقارب الالوان اوى هنا ده مقصود .. وكمان التشويش مقصود .. انا مش قاصد الرومانسيه الصريحه الصافيه الجميله . انا قاصد ابين ان الرومانسيه دى فيها شء من الاختلاط بعوامل خارجيه كتير وعشان كده انا عملت فيها تداخلات كتير اوى فى الاشكال والالوان والترتيب . وعلى فكره انا كنت هعمل فيها فلوهات كتير بس قلت بلاش
شكرا على الرأى الجميل ده . بس تأكدى ان كل حاجه مقصوده زى مزيكا الجاز كده تلاقيها قمة العشوائيات ومتناقضه وفيها سولوهات من مقامات تحسى انها نشاز وملهاش دعوه بالمقطوعه اصلا

sara rabie يقول...

سالخير

ده انا فاتنى كتير بقى وانا مش عارفه

حلوة الاولوان وتداخلها

فنان يا ابنى

استمر استمر..وامتعنننننى


على فكره انا قلبت الاوضه زى ما قلت لى زمان
وجيبت ماشية لونها احمر..بس درجة مقفوله شويه
وشمع واباجوزة جديدة

ومنبه عليه ميكى..بس احمر
:)

محمد عتلم يقول...

ساره ربيع
هوانتى فاضيالنا يا حجه ؟؟
اسكندريه ومنير ومزيكا وهيصه
اللى علي علي ياعم
عموما انتى اتأخرتى بس .. انما لو ماكنتيش جيتى كنت اديتلك كلمتين فى جنابك .. لحقتى نفسك
عموما البوستات مبتكملش الا بيكى يا ساره والمدونه كلها بتنور بوجودك وساعات الكهربا بتضرب بسبب نورك الزياده

فكرة من الزمن ده يقول...

اشكرك على التوضيح
وعلى احتمالك للبلطجية دي ضريبة الفن
وشرف ليا اني اكون بلطجية في المدونة دي
تحياتي يافنان

مدونة أنفاسي يقول...

هنا ومن إرتقى له النظر ..

سيجد جيش رومانسيه ينبعث من فنونك سيدي


"" هنا تعذيب لمحبي الرومانس""

لمثل حالتي طبعا ً << *_*

هنا جنون وحاله خاصة لمن تنفس هذة الصوره منك


مبدع

طاب لي الحضور والمكان ..


سيدي

إحترامي لك وزهر

محمد عتلم يقول...

فكره من الزمن ده
العفو يا باشا واعتبرى البيت بيتك بجد

محمد عتلم يقول...

انفاسى
شكرا ليكى جدا على الكلام الجامد اللى انا مش أده ده ... وكل مره يا انفاسى تكتبيلى كلمات بجد حلوه اوى ومش بعرف ارد عليها زيك عشان انا مش بعرف اعبر بالجمال اللى بتعبرى بيه ده
عموما انا بشكرك كتير اوى
وتحياتى ليكى