الاثنين، يونيو 01، 2009


ورده بلدى

هناك 52 تعليقًا:

AhMeD RaDy يقول...

لا بجد عجبانى الورد دى اوى .. مش عارف ليه

الالوان دى حاسسها زى ما تكون فبيت فى الشتاء ومشغل دفاية بنار الخشب

مريحة كدا .. وعجبانى موووووووووووووز

غروب يقول...

اااه الاستاذ احمد راضي منور هنا وعجباه الورده شكله حجزها خلاص

ههههههه

مووووووز ؟؟؟؟؟ يا ابنى قولتلك بطل الكلام ده

ولا انت ايه رايك يا استاذ محمد ؟؟

انا عاوزه الوره دى بالعند في احمد ممكن ؟؟؟؟؟

سبهللة يقول...

تسلم ايدك

الست فرويد يقول...

الله

البلدى برضه بلدى :)

تسلم عيونك يا فنان

نـــــــــــــور يقول...

روعه على فكره :)

MinGaH يقول...

الورده عجبانى
بس هى زعلانه؟؟

عاشقه الرومانسيه يقول...

الورده دى بتموت؟؟؟؟؟

hager za3bal يقول...

الورده دي فكرتني ببوست كنت عاملاه عن ورده عندي عالبلوج..

كنت بقول ان كلنا زي الورده دي

نص في قمة الحياه ونص مات خلاص...


بجد
حلوه قوي

ممكن انت تكون مش قصدك المعني دي
بس احلي حاجه
ان كل واحد يشوف خياله فيها

تسلم ايدك :)

ميرام يقول...

اللـه بجد اللــه

تعرف
الصورة ماكانتش ظاهرة عندي
وقعدت اعمل ريفريش للصفحة
لان كان مكتوب انها وردة بلدي
وانا من عشاق الورد ...
وكان عندي فضول رهيب اني اشوف الوردة بكاميرتك
(:
بجد جميــلة جدا
(:
تحيــــاتي

الشنكوتي الكبير يقول...

الفنان صديقي العزيز
واسمحلي اقول صديقي بقى

المهم الورده هنا تحفه

هي بنت جميله نايمه في سريرها
لسه النهار مبقاش حامي
لسه الضوء ابيض حنين
نازل على خدها ووشها بيبرده وينوره
ملمس ورقها زي ملمس خدها
ناعم جميل
ساقع لذيذ

كل اللي تقدر تعمله انك تميل جنبها
وتحبها على خدها


سلااااااااااااااااااااااام

محمد عتلم يقول...

أحمد راضى
اهلا بيك هنا ياعم احمد ... منور
هيا الالوان فعلا تديك احساس الدفا فى الشتا وهيا فعلا انا مصورها فى جنينة بيتنا فى اواخر شتاء 2006 يامعلم
تحياتى ليك

محمد عتلم يقول...

غروب
ازيك ياغروب ... بقالك كتير ماجيتيش هنا مش كده ؟؟ منوره البلوج
هوا احمد محجزش الورده ولا حاجه هوا بس معجب بيها ومرتاحلها .. وانتى لو عايزه الورده ممكن تتفضليها ومعتقدش ان احمد هيزعل .. ياباشا احنا لينا الشرف
وبعدين ماله المووووووز ؟؟؟ ده جميل

محمد عتلم يقول...

سبهلله
مرسى ليكى يا سبهلله

محمد عتلم يقول...

الست فرويد
هوا فيه احلى من البلدى ؟؟
كل حاجه فى البلدى بيكون ليها طعم تانى اححلى من غيرها
شكرا يافرويد

محمد عتلم يقول...

نور
هيا روعه عشان الورده جميله
وشكرا على الزياره يا نور

محمد عتلم يقول...

MinGah
فينك يابنتى ؟؟ حمدالله على السلامه
الورده يمكن تكون زعلانه عشان منسيه على الترابيزه

محمد عتلم يقول...

عاشقة الرومانسيه
لالالا الورده مش بتموت ولا حاجه هيا مريحه شويه
نورتى يا دودو
ألا اخبار القطه ايه ؟؟ لسه بتسمع مزيكا ؟؟؟

محمد عتلم يقول...

هاجر زعبل
منوره يا هاجر والله
احلى حاجه ان الشخص يشوف حاجه ويحسها بأحساسه الشخصى ويطلق خياله فيها
يعنى لما انا وانتى وكمان شخص تالت نشوف لوحه او صوره او رسمه اكيد كل واحد فينا احنا التلاته هيحسها من خلال شخصيته ووجهة نظره . وكل واحد فينا هيفهمها بطريقه غير التانى مع ان الصوره هيا هيا
تحياتى ليكى يا هاجر

محمد عتلم يقول...

ميرام
طب انتى مكانتش الصوره ظاهره عندك .. انا بأه عملت البوست وعملتله نشر من امبارح العصر ومرضيش يظهر فى البلوج بتاعى من اساسه
عملت ريفرش .. عملت ريستارت .. عملت راجل وزعقت للجهاز .. عملت عبيط وحاولت افتح البوست بكل الطرق ولعبته كل الالعاب وبرضه مظهرش .. نمت وصحيت النهارده ولقيته فتح
عموما شكرا ليكى انك حاولتى مع الصوره لغاية مافتحت

محمد عتلم يقول...

الشنكوتى
طبعا صديقى
وانا موافق على الصداقه دى
ايه ياعم الكلام الجامد ده ؟؟ لالا احنا مش أد الكلام ده ياشنكوتى
عموما شرفت ونورت البلوج يا كبير

أبو العريف يقول...

باشا
حمدالله عالسلامه
ايه الغيبه دي
مركز انت عالورد يا باشا

تسلم يا عتلم
تحياتي

محمد عتلم يقول...

ابو العريف
عامل ايه فى الصحرا ؟؟
هوا فيه بنى آدم فى الدنيا عاقل كان او مهبول مبيحبش الورد ؟؟
كل الناس بتحب الورد
ايه النظام ؟

ساره يقول...

صوره الورده البلدي اتجنن يافنان
وحاسه ان ريحتها خيال
تسلم ايدك

طـــائر الليــــل الحـــــزين يقول...

ايه يا جميل
كيفك على فكرة الوردة شكلها تحفة
ولونها مختلف وفى منتهى الروعة
بصراحة شكلها ريح العين ولمس مشاعر كتير مستخبية
تحيااااااااتى

سبهللة يقول...

محمد
دة الميل بتاعى
raniarachad@yahoo.com
ابعت لى الميل بتاعك وقولى فيه انك محمد عتلم عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم

محمد عتلم يقول...

ساره
شكرا ليكى يا ساره
شكلك انتى كمان بتحبى الورد البلدى
وهيا فعلا ريحتها كانت حلوه

محمد عتلم يقول...

طائر الليل الحزين
انا تمام الحمد لله ... وانتى عامله ايه ؟
الورد اصلا شكله مريح للعين
ان ماكنتيش تستريحى للورد هتستريحى لأيه ؟
تحياتى ليكى يا طائر الليل

محمد عتلم يقول...

سبهلله
علم وينفذ يا باشا
تمام يافندم
ومرسى ليكى على اهتمامك بدعوتى لمدونتك

آه وكفى يقول...

جاااااااااااااااامدة اخر حاجة
الوردة بلونها بالزاوية اللي متخده منها فظييييعة والله وانا اساسا بحب الورد جدا

المهم حضرتك عامل ايه ؟

sara rabie يقول...

يا جامد انت

يا فنان بافطرة
:D:D

حلوة يا عتليمو جداااااا

وحشنى البلوج بتاعك
وانت كمان وحشتنى وتوتا
وكل كل التاس


سلامااااات كتيرة

كيكى عوووووو يقول...

حسيت بالغروب!!

ملكة بحجابى يقول...

ياخراشى عالجمال
ايه الرئة دى
كان فاضلى ثانية واقرب اشمها
:)
أنا بمسى التماسى
اجدع تماسى
أحسن تقولو إن أناااا ناااسي
ترم ترا را رم
ترم ترا را رم

كيفك ياعتلم ؟
يارب تكون بأحسن صحة وبأفضل حال

yoyo يقول...

صباحك سكر

آآه منك ياوردة الحب الصافى
آآه منك يا شايلة نبع العشق الدافى
عطرك بيفوح و تروح معاه الروح
و القلب يسلم و العين تتكلم

آآه كالعادة اخدتنى الصورة و دوبت فى جمالها و الله تحفة تسلم ايدك ويسلم احساسك الرقيق

ايه فينك بقى يا فنان ؟!
مش تغيب علينا يا بن بلدى
دمت بالف خير انت و اسرتك
تحياتى
يويو

محمد عتلم يقول...

آه وكفى
وانا كمان بحب الورد جدا
وشكرا ليكى جدا وجميل اوى انها عجبتك
وانا الحمد لله تمام وزى الفل طول مافيه اصدقاء جدعا بيسألوا عليا
تحياتى ليكى

محمد عتلم يقول...

ساره ربيع
ازيك يا ساره وعامله ايه ؟؟
انتى كمان وحشتينا جدا جدا وتوتا كمان بتسلم عليكى كتير اوى

محمد عتلم يقول...

كيكى عوووووووو
طبعا حسيتى بالغروب عشان الوانها السخنه وجوها اللى مدى شويه على الوان الغروب

محمد عتلم يقول...

ملكه بحجابى
احلى مسا على الناس الكويسه
وتااارارارارم
انا الحمد لله تمام المهم انتى عامله ايه ؟؟

محمد عتلم يقول...

يويو يا بنت بلدى
ايه الكلام الجامد ده يا يويو
فنانه من يومك وكلامك حلو واحاسيسك احلى والله يا يويو
انا مشغول شويه بس اليومين دول عشان كده مش بتابع كتير .. اعذرينى
بس والله منوره البلوج يا يويو

آه وكفى يقول...

انت فنان جميل وتستاهل كل خير والناس لازم يسألوا على حضرتك

محمد عتلم يقول...

آه وكفى
شكرا ليكى جدا والحمد لله ان الواحد بيتعرف على ناس جميله كده دايما
ده فى حد ذاته شىء جميل

فكرة من الزمن ده يقول...

ازيك ياعتلم
ايه الاخبار
وايه الصورة الجميلة دي
حقيقي والله سرحت فيها كتير اوي

انت عامل كونتراست روعة جدا بين نعومة الوردة وبين خشونة الخشب
لدرجة اني شايفة الوردة برغم جمالها انما حزينة وبتتألم من قسوة الخشب

وعلى العكس لون الوردة وغصنها مع لون الخشب عامل هارومني جميل اوي بيشد العين ويجذبها بشدة


ووضع الوردة بالطريقة العرضية بتعترض الخطوط الطولية للخشب بتقول له برغم قسوتك الا ان رقتي تتفوق على تلك القسوة والالم

صمتها بيحكي كلام كتير اوي

بجد لو سيبت نفسي هاكتب كلام كتير اوي في الصورة دي

جميييلة جدا يافنان
تحياتي

محمد عتلم يقول...

فكره من الزمن ده
انا تمام الحمد لله .. انتى اخبارك ايه ؟
ايه الكلام الجميل اوى ده يا فكره ؟؟
بجد حلو اوى اللى انتى بتقوليه ده
اخجلتم تواضعنا
وتحياتى ليكى جدا

وومن يقول...

انا بقالي كتير مجتش هنا وعاوزة اجي من زمان وواضح ان فاتني كتير

المهم الوردة دي سابت جوايا تأثير مش عارفة اوصفة

حسيت كانها الجمال النائم أول حاجة جت في بالي اول مشوفتها

تحياتي لإبداعك

ملكة بحجابى يقول...

طولت الغيبة ولا بوست ولا توبيك
قولت أسأل
أطمن
كيفك إنت
؟؟؟

norahaty يقول...

اين جديدك ياعتلم؟
وأين انــــت ياترى؟

محمد عتلم يقول...

وومن
من زمان مجيتيش فعلا
حمدالله على السلامه يا وومن
وشكرا ليكى على زيارتك ويا ريت متتأخريش تانى كده .. تعليقاتك مهمه

محمد عتلم يقول...

ملكه بحجابى
انا موجود وبخير الحمد لله يا ملكه
انا بس مشغول شويه فى الشغل وبالمره بريحكم منى شويه
مرسى على سؤالك وربنا يخليكى للغلابه اللى زى حالاتنا

محمد عتلم يقول...

Norahaty
انا موجود وانشاء الله هيكون فيه جديد قريب
وشكرا على سؤالك

Bola 7elmi يقول...

:)

ورده توحفه
و بصراحه كدا انا خدتها و استعملتها ف خاطره كتبتها
معرفش حسيت لازم تكون موجوده
:)
بجد انت فنان :)

سلامي ليكي

محمد عتلم يقول...

بولا حلمى
ايه البلطجه دى ؟؟
انتى بتثبتينى يابولا وبتحطينى ادام الامر الواقع ؟؟
ماشى ماشى
انا بهزر معاكى طبعا
عموما انا يكون ليا الشرف انك تكتبى عليها خواطر .
وشىء جميل انها تعجبك وتكتبى عليها خواطرك .. معنى كده ان الصوره نجحت فى توصيلها احاسيس للناس
فين بأه حق النشر ؟؟
عموما انا رايح اقراها عندك واحكم بنفسى

حاجات جوايا يقول...

الصورة دى مضايقانى على فكرة
حزينة اوى
حاساها فاقدة الامل فى الدنيا ورامية نفسها على شريط القطر عشان تنتحر وتخلص من حياتها
وسامعة صفارة القطر جاية
وهى مطنشة ومنتظرة النهاية
:(
نظرة سوداوية جدا
صح ؟

محمد عتلم يقول...

حاجات جوايا .... سالى
ليه كده يا سالى ... شكلك زعلانه من حاجه اليومين دول عشان كده نظرتك مديه على غوامق شويه
هيا الورده حزينه شويه بس مش بتنتحر
الحياه حلوه برضه يا سالى
منورانى جدا