الاثنين، فبراير 23، 2009


تحديث.... التورتايه انضربت يا رجاله وطلع طعمها تحفه وجامد موووووووووت

Happy Birth day to me

ــــــــــــــــــــــــــــــــــــــــــــــــــــــــــ

بصو بأه ... النهارده عيد ميلادى والتورتايه دى معموله فى البيت يعنى مجبتهاش من اى حته اصلها طلبت معانا اننا نعملها فى البيت وتطلع زى ما تطلع وعملناها امبارح الساعه 12 بالليل وهنضربها النهارده بالليل . التورته دى معموله شيكولاته وعليها جيلى وشرائح اناناس وفراوله وكريمة شيكولاته والبتاع الملون ده انا معرفش اسمه ايه ... المهم انها هتنضرب النهارده واكيد طعمها حلو عشان احنا اللى عاملينها

هناك 52 تعليقًا:

sara rabie يقول...

عتليمووووووووووو

كل سنة وانت طيب يا راجل يا طيب:)))

حلوة التورته خالص

انت دووووس واتكل على الله..وقولى النتيجة ايه؟؟

سنة سعيدة عليكم ان شاء الله

احتفل وابتهج ..وسؤال تانى

بقت كام سننننننننننننننة؟؟؟؟؟؟؟؟؟؟؟؟



اه استنا هغنيلك

هابى توتو= happy birthday
من وجهه نظر يحيي :))))))))

sara rabie يقول...

ايه ده ..ده انا اول تعليق

هههههههههههههههه

تصدق فرحت

محمد عتلم يقول...

ساره
انتى دايما منورانى جدا جدا يا ساره
وانتى طيبه يا جميل
انا النهارده بقى عندى 33 سنه ..
احنا هنجرب التورتايه واقولك على النتيجه بكره انشاء الله بس لو مرديتش بكره اطلبى الاسعاف على طول
ومرسى على الاغنيه وبوسيلى يحي

ريمان يقول...

كل سنه وانت طييييييييييييييييييب

التورته شكلها حلو اووووووووووى


يا سلااااااااااااااااام

الله

لذيذه

ممكن حته؟

tota يقول...

طبعا انا مش اول حد هيعلق دايما ياساره سبقاني بس انا اول حد قالك

** كل سنة وانت طيب ياحبيبي **

***بحبك *** بحبك *** بحبك***

بس على فكره التورتة
جامده مووووووووووووت
وطبعا الكل معزوم عليها
بس اللي يلحق منها حته........

Appy يقول...

كل سنه وانت طيب يا رب وسعيد دايما
التورته هيبقى طعمها حلو علشان معموله فعلا باديكوا
ربنا يهنيك ويسعد قلبك دايما انت وكل اللى فى البيت

tota يقول...

اه نسيت أقول حاجه

التورته اللي عاملها

..... * عتلم *.....

علشان انا هقول علشان انا مش بعرف اعملها

happy birthday

محمد عتلم يقول...

ريمان
وانتى طيبه
التورته شكلها حلو فعلا بس الطعم لسه هجربه بالليل وهديكى حته طبعا

محمد عتلم يقول...

توتا
صباح الخير ياعم
وانتى طيبه يا توتا ياحبيبتى
عزمتى الكل خلاص ؟؟؟ طول عمرك كريمه
ده لو كل واحد شم شمه من التورته هتخلص .. بس مش مشكله هاعمل غيرها واحده كبيره عشان تكفى الناس كلها
وبعدين مش لما نجرب طعمها الاول نبقى نعزم الناس صحابنا ولا هما يعنى عشان صحابنا مش هيقولو حاجه ؟ لالالالا انا متأكد انها حلوه انشاء الله عشان توتا هيا اللى عملت الخمس نقط بتاعة كريمة الشكولاته يعنى شاركتى فى الجريمه يا توتا

liel99 يقول...

happy birthday to youuuu
happy birthday to youuuu
happy birthday to atlam!
happy birth day to youuu
la la la
انا ولعتلك شمع امبارح فى الحسين

كل سنه وانت يالف خير وتسلم ايديكوا ويالهنا والشفا..
جيلى مع شوكلاته!!
فى مستشفيات قريبه؟؟؟؟؟

محمد عتلم يقول...

آبى
وانتى طيبه يا بتنجانى
انتى معزومه طبعا على التورتايه دى يعنى تيجى بس والنبى من غير الخرفان البمبى بتوعك

dodda يقول...

liel99
ده انا
بس اكونت جوزى :0)

محمد عتلم يقول...

دودا
وانتى طيبه يا دودا
عامله ايه ؟
وبعدين الشيكولاته مع الجيلى بتنفع والله وبيكون طعمها حلو . وبعدين خدى حته وجربى عمايل اديا وحياة عنيا

واحدة مفروسة يقول...

كل سنة و انت طيب و بخير
بس ياتري انت برضه اللى عملت بإديك؟؟؟
تحياتي

محمد عتلم يقول...

واحده مفروسه
اولا وانتى طيبه
ثانيا انا والله اللى عملت التورتايه من اولها لآخرها وانا كمان اللى حاكلها
شكرا على زيارتك

MinGaH يقول...

hazzy bazzy you youuu
hazzy bazy you youuu
hazy bazy ya 3atlam
hazzy bazy you youuu
kol sana w enta taib
w 3o2baal 8457984e759847sana:D
wada7 tab3an en elly 3aml el torta fanan
w aked 7ib2a ta3mha 7elw zay shaklaha
ha 7elw el kalam dah 3aiza 7eta kbeeeeera b2a :D :D

محمد عتلم يقول...

MinGah
وانتى طيبه . بس الرقم ده صغير اوى ...ايه ده انتى عايزانى افلسع على طول ولا ايه ؟
بعدين هيا عمايل التورته مش صعبه ولا حاجه اينعم شكلها منحكش حبتين بس هتتاكل وهديكى منها حته كبيره اوى كمان

غير معرف يقول...

ياباشا الف مليون مبروك و كل سنه و انت طيب و يارب اشوفك تانى على الف خير.طيب انا عاوز حته منالتورته.ممكن تبعتهالى اتاتش بالميل؟عموما انا لسه راجع من الشغل و هاستنى بعد الغدا احلى بالميل اللى هاتبعتلى فيه التورته.
حبيت اكتبلك كلمتين ماعرففتش اكتبلك احلى من القصيده دى :-
كنت يوماتى

بمسح بشفايفى

الضحكة بتاعتك

وأهديكى الشمس

وأعملك

من جسمى جناين

وفطامك

كان طرح الشوق

علمتك

أزاى هتخلى

الورد يجيلك

يسقيكى رحيق

والندى يشتاق

لخدودك

وأزاى هتخلى

الطير على بابك

مجذوووب

ويحس بلهفة شوقك

دلوقتى

أنا صفحة

مطوية

فى قلب كتابك
كل سنه و انت طيب يا محمد بيك ههههههههههههه عرفتنى ولا لسه

محمد عتلم يقول...

الشخص الغير معروف
ايوه طبعا عرفتك من ريحتك يا كلونيا
ايه ياعم القصايد الجباره دى
كل ده ليا انا ؟؟؟
لالالالا انتا فاهمنى غلط .. لست انا هذا الرجل
عموما وانتا طيب وواحشنى والله ونفسى اشوفك وهبعتلك صوره من الصور اللى صورتهالى توتا وانا بقطع التورته وهبعتهالك على الميل بس بكره
سلملى على بودى وملك
وبوسلى ملك 350 بوسه

طـــائر الليــــل الحـــــزين يقول...

كل سنة وانت طيب يا قمر
ودايما منور عالم التدوين
بس يا خسارة بعد ما جوعتنا بشكل التورتة الجاااااااامد ده
متعزمناش عليها
انا زعلانة قووووووووى
اصل شكلها جنان وجوعنى جداااااااااا
يارب السنة دى تكون سعيدة عليك وتحقق كل اللى معرفتش تحققه
تحياااااااااتى

dodda يقول...

الله
ربنا يحلى ابامك
ويفتحها عليك
وتفرح بعروستك القمر ربنا يحميها
ويكرمك بكل اللى تامناه وزياده

:: Salma Emad :: يقول...

كل سنه و حضرتك طيب

بس مش كنت تسيب لنا حته صغنونه

يالا بقي مش مشكله المره الجايه

ربنا يبارك في عمرك و يجعله في طاعه الله


بس برضوا عايزين الهديه D:

بت خيخة وأي كلام يقول...

هابى بيرث داى تو يووووووووووووووو
هابى بيرث داى تو يوووووووووووووووووو
هابى بيرث داى تو عتلم
هابى بيرث داى تو يووووووووووووووووووووو


سنة حلوة يا جميييييييييييييل
سنة حلوة يا جميييييييييييييييييل
سنة حلوة يا عتلم
سنة حلوة يا جميييييييييييييل

يلا حالا بالا بالا حيوا ابو الفصاد
هيكون عيد ميلاده الليلة اجمل الاعياد
فليحيا ابو الفصاد

هوففففففففففففففففففففففففففف

هوف دى يعنى بنطفى الشمع

كل سنة وانت طيب يا عتلم
وعقبال سنين كتير عايشاها فى سعادة ورضا الله وصحة كويسة

سلام

اختك خيخة

أبو العريف يقول...

باشا
بالهنا والشفا
وكل سنه وحضرتك طيب
بس والله الرسمه اللي رسمتها سحبتها اسكانر عشان ابعتهالك
اوم ايه الاسكانر دمرها زياد مانا مدمرها
مش باين كل الخطوط الخفيفه
هجرب تاني وهبعتهالك
بيس

محمد عتلم يقول...

طائر الليل الحزين
وانتى طيبه
وعالم التدوين منور بيكى والله وبعدين انا شايلك حته من التورته وبيبسى كمان بس متتأخريش

محمد عتلم يقول...

دودا
ايوه كده ادعيلى يا حجه
هوا ده حنان الام
ربنا يخليكى لينا وتدعيلنا كمان وكمان

محمد عتلم يقول...

سلمى عماد
وانتى طيبه يا سلمى وانا مش اسيبلك حته دا انا اجيبلك تورتايه كبيره لوحدك وهديتك معاها كمان

محمد عتلم يقول...

خيخه
وحشتنى تعليقاتك يا خيخه
ينفع كده ؟
عموما دايما منورانى والله العظيم ودايما مغنيالى كمان وحلوه هوووووووووووف دى
عموما وانتى طيبه يا نوران على اسم بنت اختى الزغنونه وشكرا على الاغنيه الجامده اوى دى وتغيبيش عليا كتير كده

محمد عتلم يقول...

ابو العريف
وانتا طيب يا باشا وربنا يخليك للشعب
وبمناسبة الصوره اللى رسمتها ايه رأيك تنشرها فى بوست حلو كده عندك فى البلوج بتاعك ؟؟ مش يبقى حلو ؟

حاجات جوايا يقول...

عيد ميلاد سعيد اخى الفاضل
ولو انها متاخرة شووووية
بس يلا معلش بقى
عقبال كل تورتة بألف هنا

رندا يقول...

اسفة جدا ازاى مش اخت بالى

كل سنة وانت طيب انت حوت بقى هههههه

تاكلوا تورتاية لوحدكم طيب عيد ميلادى قرب وجيب تورتة شكولا برضة

كل عام وانت الى الله اقرب وانقى واتقى

تقديرى

محمد عتلم يقول...

حاجات جوايا
ولا متأخره ولا حاجه
وانتى طيبه وربنا يخليكى وشكرا على مشاركتك فى اى وقت
منوره دايما

محمد عتلم يقول...

رندا
ولا يهمك ياجميل انتى طول عمرك صاحبة واجب واحلى واجب كمان بس بينى وبينك انا شلتلك حته كبيره من التورته بس متقوليش لحد وكل سنه وانتى طيبه عشان عيد ميلادك قريب ويومها ليكى عليا اولعلك بمب وسواريخ وادمر الدنيا كلها احتفالا بعيد ميلاد رندا اللى دايما منورانى بس قوليلى قبلها بيومين بس
تحياتى

انا حره يقول...

اخص علياااا

انا جيت متاخر اوى

كل سنه وانت طيييييييييييب وعقبال 100 سنه يارب

اسفه بجد على تاخيرى وتقصيرى

Kemo Atlam يقول...

ايه ده مش معقووووووووووووووووووووول كل سنة وانت طيب يا خالو , والله ما كنت اعرف , انت عارف بقى المذاكرة أرفانى , والامتحانات على ودنو , ربنا يستر ونعدى السنة دى , انت اخبارك ايه , واحشنى اوى , وعقبال 1000000000000000000 سنة , وتشفنى كده وانا متجوز ومخلف وتشيل احفادى , كل ده حيحصل قريب اوى , بس متقطعش , بس انا فى حاجة عايز اعرفها انت من امتى وانت بتعرف تعمل تورتة يا راجل ده انتا مبتعرفش تعمل كوباية شاى اكيد اتعلمتها من Tota !!!! صح !!!

°ˆ~*¤®§(*§ نـــوارة §*)§®¤*~ˆ° ° يقول...
أزال المؤلف هذا التعليق.
°ˆ~*¤®§(*§ نـــوارة §*)§®¤*~ˆ° ° يقول...

كل سنة وانت طيب

والتورتة شكلها وااااااو

بجد عجبتني جامد و صحتين وعافيي عللى قلبك

بالتوفيق يارب

محمد عتلم يقول...

انا حره
لالالالالا انا مش مسامحك
كده متجيش عيد الميلاد ؟؟
عموما وانتى طيبى ياستى والمره الجايه تيجى بدرى والا مش هتلحقى التورته

محمد عتلم يقول...

كوكو
وانتا طيب
وحياتك انتا انا اللى عاملها من اولها لآخرها

محمد عتلم يقول...

نواره
وانتى طيبه يا نواره وبجد منورانى

أميرة الجنة يقول...

السلام عليكم
دى اول زيارة للمدونة الروعة جدا
انا عرفتها عن طريق ابو العريف بس بجد فكرتها جميلة والصور اللى فيها جامدة قوى
كل مليون سنة وانت طيب وسعيد ومبسوط دايما
والتورتة بجد حلوة قووى ابقى شيلى حتة
تسلم الايدين اللى عملاها
ربنا يحققلك اللى بتمناه

محمد عتلم يقول...

اميرة الجنه
اهلا بيكى فى المدونه ومنوره عيد الميلاد
وانتى طيبه يا اميرة الجنه وبالنسبه للتورتايه انا اللى عاملها وعموما انا هاعملك وحده لوحدك عشان تكون طازه . اصل دى بقالها كتير

بس خلاص ... يقول...

كل سنه وانت طيب عيد ميلاد سعيد وكمان كل سنه وانت طيب بمناسة المولد النبوى الشريف

ч a s м ι и يقول...

ما ادري الكيكة هي اللي حلوة
ولا الصورة حلوة .. ولا الاتنين P:

احلى حاجة لمن تسوي الشي بنفسك (حتى لو ماكان مزبوط!..يكون له طعم تاااني مايتنسيش !)

محمد عتلم يقول...

بس خلاص
وانتى طيبه مرتين
مره عشان عيد ميلادى والتانيه عشان المولد النبوى الشريف

محمد عتلم يقول...

yasmin
طبعا عشان معموله فى البيت بتكون لها رونق تانى وطعم تانى وبيكون طعمها حلو عشان عمايل ايديا وحياة عينيا

yasso يقول...

يخرب عقللك مين كل ال..........
وانت هنا و انا بحتفل بعيد ميلادك على الفيس تووك يا كرومبو
وحشتونىىىىىىىىىىىىىىىىى ياولاد انتوا هاتيجوا امتى بقى انا هامووووووووووووووووووت و اشوفكوا بقى

مليووووووووووووووووووووون بوة ليكوا
و كامونى يا عيااااااااااااال

محمد عتلم يقول...

ياسمين
وانتى طيبه واحتفالك وصل يا ريس
احنا لسه مش عارفين جايين امتى

GHARAM يقول...

كل سنه وانت طيب

norahaty يقول...

كل لحظة وانت طيب
معلش متاخرة شوية اصل
محدش عزمنى لكن برضه جيت:)
مرة تانية كل لحظة وانت طيب.

محمد عتلم يقول...

غرام
وانتى طيبه والمره الجايه تيجى بدرى شويه عشان تلحقى التورته وهيا طازه

محمد عتلم يقول...

norahaty
وانتى طيبه
وتنورى فى اى وقت
والمره الجايه مش محتاجه عزومه بأه انتى خلاص بقيتى من اهل المدونه وواحده مننا
شكرا ليكى